Опис
24мај - ЦРНА ГОРА
СУТОМОРЕ – ПЕРАСТ – КОТОР – ПОРТО МОНТЕНЕГРО - БУДБА – ОСТРОГ
23.05 – 26.05.2024
3 дена/ 2 ноќевање и превоз
23.05.2024 четврток
Состанок на групата во 21,00 часот кај Борис Трајковски, поаѓање за Црна Гора. Се патува преку Косово и Албанија со попатни паузи.
24.05.2024 петок (ПОРТО МОНТЕНЕГРО – ПЕРАСТ-КОТОР-БУДВА)
Пристигнување во Сутоморе во утринските часови. Сместување.
Во 09.00 часот поаѓање за Тиват (факултативно) можност за прошетка и уживање во ново изградениот луксузен комплекс Порто Монтенегро. Станува збор за едно уникатно место во Тиват – спој на Монте Карло, Сен Тропе... Главен инцеститор е канадскиот милијардер Питер Манк кој го купува старото воено бродоградилиште и го претвора во марина за мега јахти, луксузни хотели, продавници и ресторани. Пауза од 2 часа. Патувањето го продолжуваме со траект до Пераст.
Пераст е мал град кој се наоѓа помеѓи Рисанскиот и Бокакоторскиот залив. Пераст со сигурност е една од најатрактивните дестинации во Бокакоторскиот залив. Овој мал стар град е специфичен по многу нешта. Низ историјата ова место многумина сакале да го освојат од Византиското царство па до австриијците и секој од нив оставил свој белег во градот. Денес Пераст е една од најлуксузните дестинации во Црна Гора, во градот има голем број на музеи и цркви (најпозната е Св. Никола која датира од 17 век и има камбанарија висока 55 метри), а секако главна атракција е островот Госпа од Шкрпеља.
Госпа од Шкрпеља е вештачки остров пред Пераст направен во 15век. Црквата е изградена 1630 година. Има мермерен олтак во кој се наоѓа познатата икона Госпа од Шкрпеља – заштитник на морепловците, дело на Ловр Добричевиќ. Во црквата се наоѓа и гобленот кој од 1803-1828 година го везела Јаница Куниќ, додека го чекала својот маж морепловец, а за одредени делови се извезени од нејзината коса.
Продолжуваме кон Котор, град под заштита на УНЕСКО и еден од најубавите градови. Во Котор може да се видат Столбот на срамот, Саат кулата, Катедралата Св.Трифун, Црквата Св.Никола.... Слободно време од 3 часа за прошетка низ градот. Враќање во Сутоморе. Ноќевање.
25.05.2024 сабота (ДУБРОВНИК)
Состанок на групата во 09 часот и поаѓање на целодневен факултативен излет до Дубровник е еден од најатрактивните и најпознати градови на Јадранот. Го чуваат градските ѕидини поделен од Страдун главната улица, заштитен од Св.Влах...разглед на градот со локален водич, а потоа и слободно време за индивидуална прошетка. Попладне враќање во Сутоморе. Ноќевање.
26.05.2024 недела (ОСТРОГ- СКОПЈЕ)
Во 09.00часот поаѓање за Острог. Посета на манастирот кој датира од 17 век, основан од Василие Острошки. Се посетуваат Горниот Манастир, Долниот Манастир и црквата која се наоѓа помеѓу Горниот и Долниот Манастир. Околу 14 часот патувањето го продолжуваат за Македонија. Се патува преку Албанија и Косово. Пристигнување во Скопје во вечерните часови.
ЦЕНА:3900 денари
ВО ЦЕНАТА Е ВКЛУЧЕНО
• 2 ноќевања во Сутоморе во вила Ексклузив и Скаут/Скаут1
• превоз со високо туристички автобус на наведената релација
• посета на Манастирот Острог
• пратител за време на целото патување
• организација и реализација на патувањето
ВО ЦЕНАТА НЕ Е ВКЛУЧЕНО
• факултативна посета на Котор, Будва, Портомонтенегро и Пераст – 25 евра со вклучена карта за бродче во Пераст и влезница во црквата
• факултативна посета на Дубровник – 30евра
• 1 евро излетничка такса во Острог (задолжителна доплата)
• 3 евра туристичка такса во Сутоморе (задолжителна доплата)
• превоз од Долниот до Горниот Манастир во Острог (со комбиња од манастирот)
• патничко осигурување
*доплата за 1/1 соба 2000ден
* деца до 12 години 2900ден (и 30% попуст на факултативите)
Напомена:
Oрганизаторот го задржува правото на промена на редоследот на активностите во програмата.
Може да се патува со лична карта во Црна Гора. За патувањето во Дубровник потребен е пасош
За реализација на факултативата потребени се минимум 35 патници.(задолжителна пријава при уплата)
За реализација на овој аранжман потребен е минимум од 45 патници.
За ова патување важат општите услови за патување на ТА Скаут – Скопје
